التَغــوّل المُــبارك 2.0

ايا ڨلنا السلام للناس الفهيمة و لا يكون في الناس البهيمة ...

اما بعد ...

مرحبا بيكم في عهد التغول المبارك في نسخته الثانية و المطورة و الي بقردة التعالى باش تاكل الحقوق ماكلة و تكال  فلوس الدنيا و ڨال شنوة حاشيتو في الآخرة ...

من المكونات الي كي زب الڨط متع هالعهد المجيد، العقد الذكورية المتراكمة ...

كيفاش المرأة انسان ؟ يعجبكش عيب ...

تي مكمٌل للرجل و سلكتها معاهم هاكا الي بالضبط ...

لا يزي تقرى خير منّو و تلقى خدمة قبل منّو و متثقفة و متربية احسن منّو و زيد يولي عندها حقوق كيفو ؟!

و بويسكو الرجال فيبالهم عايشين في ادغال مفرتين شهواتهم على برة و رابطين كوبلهم بجهازهم التناسلي ...

لازم يلقاو ما يبرّر كبتهم المقرف ...

وزيد التصنيف الرئاسي متع المرأة الي يعمل الكيف متع السافرات و المحجبات و المنقبات ... وحارزات النهضة العاهرات ... الي جاية ضد حقها في انها تكون كائن فعال في مجتمع و على قلبها كيف العسل كي رجلها يشد يمرمدها و هويتها تفصيص الجلبانة ...

شنو ذنب البنات الي قرات على رواحها بش تعمل كريار مبعد و تحول توصل ؟

في جرة كمسة بهايم ما يفكوش الخط بش يتمرمدو هوما زادة ؟!

و خلينا عاد من حكاية حقوق المرأة، حتى حقوق الطفل ما سلموش، اللجنة متع حقوق الطفل قالة كيفاش يجي منو الطفل يشكي بوالديه كيف يضربوه، خلي يضربوه لين يسقط و يعدي حياتو يا مشوه يا معقد يا معاق ... ايا تره نحيو علينا الفصل 319 من القانون الجنائي الي يعطي الحق للطفل انو يلتجئ للقضاء في صورة ما اعتداو عليه !!

امالا وينك كيف يخليو القانون هذا، كيفاش شيوخ الهانة بش يفرهدو رواحهم ؟!!

و في هالعهد المبروك السعيد، ستعود دولة البوليس من جديد ...

الي يڨلڨك عام و فسبة و كان ما ركحش زيدو، انت و درجة خطورطو على الحكومة ...

الواحد ڨريب باش يعمل بلاكة فيها بطاقة التعريف و ينيك يلسقها على جبينو، الواحد كل درجين موقفو ڨرد، قال شنوّا كونطرول بابيا ..

وبرا عاد كان حليت فمك بش تطلب حقك و حق غيرك معاك، يشدو يمسدوك تمسيدة عمرك لا حلمت بيها ... تي بالحرام خير من فترة نقاهة مش لعب هعهعهع !!

في هالعهد المبروك السعيد، حتى قفتك يلعبولك عليها ... الواحد يدخل للمرشي صونطرال يضربو شلل نصفي مالاسوام، باش يعملوه بالفيزا و لازم تصرف فلوسك بالاورو قبل ما تدخل تقضي ... الواحد حتى الدجاج مش خالط ياكلو ... وهوما لحمنا كلاوه ..

في هالعهد الممتاز آش مزلنا باش نشوف ...

و كيما يقول المثل الافغاني "كان تناكت زيدها لصّ" ..

الشرطة في خدمة الشعب من تالي

ايا المرة هاذي بش نحكيلكم على فصيّل صار للعبد لله ولد الكبارية ...

هابط كايتها برجوزي معفن نعمل في قهوة انا و تشكيلة صحابي في ضفاف البحيرة فماش ما ننساو تعب نهار خدمة و نروح على البطالة الي معانا ...

فبيها نوقف الكرهبة ورا كرهبة لوكاسيون فيها زوز فتيات ... وانما بحيث ورايا كرهبا متع اعون الشرّ ... طة !!

ما عجبتهمش كيفاش الفتاة دقت عليا الشباك بش نبعدلها الكرهبة شويا ...

خذاو عليا "طاقت تعرياف" و البرمي و الولاد الي معايا زادة ... و انما بحيث وقت الي رجع البطاقات ما رجعليش البرمي ... قتلو يا استاذ يرحم بوك البرمي .... فكانت الصاعقة وقت الي قلي ما عطيتنيش برميك وليتش انا نلف و نتكتف و في براس لحنينة زيد ثبّت ... يعمل هكّا هزّ روحو و مشا و خلاني انا نكفر و نربرب بش نطيح  لقشة ...

و بما انّو ما فما حد مالولاد الي معايا عندو برمي ... ترصاتلي نسوق بلاش برمي ... و ما وصلت للدار كان بشق الانفس ... بعد ما خدمني عون الامن الشريف فالبرمي ...

بعد بعض من التخمين فهمت الفازا ... انو اعوان الامن قاعدين يخدمو في اقتصاد البلاد بطريقة فعالة ... فانما بحيث كان على كل 5 مواطنين يفكو برمي ... اقتصاد الدولة ينتعش من الخطية مت تعويض رخص السياقة و "طاقات التعرياف" و الوراق جملة بالحملة ... 

وكيما يقول المثل الطجكستاني " البير بير و الماجل ماجل والبوليس عمره ما يولي راجل" ...

تتفكّر ؟

لكل عون امن، باش نفكر شنوّا صار ...

الفصل الاول : من 14 جانفي و ايام العسة
الى كل عون كان يتلبد وكل ما يشوف ولاد حومة عاملين باراج يبول على روحو مالفجعة و يمد كيف الذليل بطاقة التعريف متاعو و ولاد الحومة يطلعو دزو في دورة فالباڨة يشوفو فماش حاجة و يفكو المطراك و يفكو السلاح و يسلموهم للجيش ... كان كيف الذلي يخبي روحو و يمشى الحيط الحيط و فما شكون ما يخرجش خشمو من شباك دارو بش يتنفس ... خايفين الموت و خايف ردة فعل الشعب الي قلبو معبي عليهم !!

الفصل الثاني : تكوين نقابة و الاعتصام بالقصبة

اول ما ركحت الدنيا كنتو اول ما طالبتو الزيادة فالشهرية و كان الشعب تعاطف معاكم على اساس الي شهريتكم شويا و على العذاب الي شفتوه في عهد المخلوغ برا السماح كان زادوكم فالشهرية ... كانت ساعتكم الزايدة بـ 100 مليم تخدموهم فالقوايل و الليالي فماش ما ادبرو دينار زايد ... فبيها زادوكم 140 دينار كاملين فالشهريه الي ولات معتبرة  بالنسبة لمستواكم الدراسي المعفط ... وليتو على الاقل تنجمو تقاومو الغلاء مش كيف العاطلين اصحاب الشهائد العليا الي مش لاقين حق كسرتهم

الفصل الثالث : وقت المحاسبة

وقت الي سمعتو الي بش تصير تنظيفة للوزارة من الاعوان و الاطارات الفازدين قومتو الدينيا و انسحب اكثر من 2000 عون عن العمل و اعتصمتو و خليتو البلاد مسيبة على طلق ذراعها بش تحميو الايادي القذرة الي قتلت و جرحت خواتنا ايمات الثورة ...

الفصل الرابع : الغل الي في قلوبكم

على مدى جمعتين لقيتو ما تعملو و حلالكم الضرب في الزوالي و البطال و الي يحب يعبر !!
بالزلاط بالدبابس بالمطراك بالڨاز و حتى بالكاسكة ما فلتو حد اضرب و آش يهمك !!
نسمعو فيكم بوذنينا هنا رجعنالكم يا كلاب و تحملو النهضة الي انتخبتوها، شفنا الشر و النقمة الي في عينيكم و الكلام المرزي مالحزام اللوطة على لسانكم ... لا فلتو لا صغير و لا كبير لا مرا و لا طفلة !!
الي راسو تحل و الي ساقو تخسرت و الي سال م فمو الدم و الي داخ بالڨاز و الي طاح ما في عينو بلة و عفستوه و الي ذليتوه و الي للطبيب ما حبيتو توصلوه و الي بالكف صرفڨتوه !!

نحبكم تعرفو الي راكم كيما تذليتو ايمات الثورة عادي نعاودو نذلوكم ... نعفسو عليكم و ما نرحموكم ... لازم تعرفو الي ما نهبطوش روسنا و منكم ما نخافوش ...
و كيما يقول المثل البير بير و الماجل ماجل و البوليس عمرو ما يولي راجل ... وفي رواية اخرى طول عماركم تعيشو طحانة