التَغــوّل المُــبارك 2.0

ايا ڨلنا السلام للناس الفهيمة و لا يكون في الناس البهيمة ...

اما بعد ...

مرحبا بيكم في عهد التغول المبارك في نسخته الثانية و المطورة و الي بقردة التعالى باش تاكل الحقوق ماكلة و تكال  فلوس الدنيا و ڨال شنوة حاشيتو في الآخرة ...

من المكونات الي كي زب الڨط متع هالعهد المجيد، العقد الذكورية المتراكمة ...

كيفاش المرأة انسان ؟ يعجبكش عيب ...

تي مكمٌل للرجل و سلكتها معاهم هاكا الي بالضبط ...

لا يزي تقرى خير منّو و تلقى خدمة قبل منّو و متثقفة و متربية احسن منّو و زيد يولي عندها حقوق كيفو ؟!

و بويسكو الرجال فيبالهم عايشين في ادغال مفرتين شهواتهم على برة و رابطين كوبلهم بجهازهم التناسلي ...

لازم يلقاو ما يبرّر كبتهم المقرف ...

وزيد التصنيف الرئاسي متع المرأة الي يعمل الكيف متع السافرات و المحجبات و المنقبات ... وحارزات النهضة العاهرات ... الي جاية ضد حقها في انها تكون كائن فعال في مجتمع و على قلبها كيف العسل كي رجلها يشد يمرمدها و هويتها تفصيص الجلبانة ...

شنو ذنب البنات الي قرات على رواحها بش تعمل كريار مبعد و تحول توصل ؟

في جرة كمسة بهايم ما يفكوش الخط بش يتمرمدو هوما زادة ؟!

و خلينا عاد من حكاية حقوق المرأة، حتى حقوق الطفل ما سلموش، اللجنة متع حقوق الطفل قالة كيفاش يجي منو الطفل يشكي بوالديه كيف يضربوه، خلي يضربوه لين يسقط و يعدي حياتو يا مشوه يا معقد يا معاق ... ايا تره نحيو علينا الفصل 319 من القانون الجنائي الي يعطي الحق للطفل انو يلتجئ للقضاء في صورة ما اعتداو عليه !!

امالا وينك كيف يخليو القانون هذا، كيفاش شيوخ الهانة بش يفرهدو رواحهم ؟!!

و في هالعهد المبروك السعيد، ستعود دولة البوليس من جديد ...

الي يڨلڨك عام و فسبة و كان ما ركحش زيدو، انت و درجة خطورطو على الحكومة ...

الواحد ڨريب باش يعمل بلاكة فيها بطاقة التعريف و ينيك يلسقها على جبينو، الواحد كل درجين موقفو ڨرد، قال شنوّا كونطرول بابيا ..

وبرا عاد كان حليت فمك بش تطلب حقك و حق غيرك معاك، يشدو يمسدوك تمسيدة عمرك لا حلمت بيها ... تي بالحرام خير من فترة نقاهة مش لعب هعهعهع !!

في هالعهد المبروك السعيد، حتى قفتك يلعبولك عليها ... الواحد يدخل للمرشي صونطرال يضربو شلل نصفي مالاسوام، باش يعملوه بالفيزا و لازم تصرف فلوسك بالاورو قبل ما تدخل تقضي ... الواحد حتى الدجاج مش خالط ياكلو ... وهوما لحمنا كلاوه ..

في هالعهد الممتاز آش مزلنا باش نشوف ...

و كيما يقول المثل الافغاني "كان تناكت زيدها لصّ" ..

المال مقابل حرية التعبير

حسب ما شفت بعد محاكمة رئيس تحرير جريدة التونسية و تغريمه ماليا بـ 1000 دينار تونسي و اليوم في اليوم العالمي لحرية الصحافة يتم التصريح بالحكم النهائي للقضية الشهيرة المتعلقة بقناة نسمة و عرضها لفلم برسيبوليس الايراني بخطية مالية قيمتها 2400 دينار ...

ما انجم نلاحض كان الي الحكومة جيعانة و ما فالحة كان تلم فالفلوس ....

القضاء بعيد على انو يكون مستقل و هاذا شي خطير برشا على خاطر الي باش يولي يعبر على رايو و الى ينشر محتوى يخبش مشاعر البعض ...

والي الواحد باش يولي يحل فموّ يخلصّ و تولي حرية التعبير حكر على الي عندو فلوس باش يخلصّ خطيّة مالية ...

عدم اصدار حكم بعدم سماع الدعوة في كل من القضيتين ما ينجم يعكس كان الي الحكومة ماشية و تكبس فالسنتورة لين اللحم زراق

Après avoir annoncé le dernier verdict du fameux procès de la chaîne Tunisienne Nessma après avoir diffusé le filme Iranien "Persepolis" on ne peut dire que la liberté d'expression en Tunisie se limitera aux riches puisqu'ils peuvent payer ces amandes 

اليوم العالمي للصحافة بمذا نطالب ؟

في اليوم العالمي لحرية الاعلام اطالب كمودون و صحفي مواطنة و كما ينصّ البند 19 في الاعلان العالمي لحقوق الانسان 

"لكل شخص الحق في التمتع بحرية الرأي و التعبير، و يشمل هذا الحقّ حريته في اعتناق الاراء دون مضايقة، وفي التماس الانباء و الافكار و تلقيها و نقلها الى الآخرين، بأية وسيلة ودونما اعتبار للحدود"

اطالب بتفعيل المرسوم عدد 115 الذي ينص على حماية الصحفيين و المدونين حماية ادبية (مستوى اكاديمي محترم) و ضمان حقهم فالنفاذ الى المعلومات خاصة الادارية منها ، حماية مصادر معلومات الصحفي، حمايته من الاعتداء 

وذلك احتراما للعهد الدولي المصادق عليه بـ 16 د يسمبر 1966 و المعتمد 23 مارس 1976 ...