vendredi 31 août 2012

دخول الخريف ... و التخريف


باكو الدخان دزيرري دوبل كتيبة، وقيدة مصنوعة في الباكستان ... كتاب مخزز متع عبد الرحمان منيف ...
حس بافلوات العرس متع الجيران متعدي الكاسكة متاعي و مخلبزلي الفن الي نسمع فيه ...
حروف الكتاب نشوف فيها مكسرة و مفسخة ... نلقى روحي مش لابس مراياتي ...
التاليفون يشعل و يطفى وحدو ...
حس فرونس 24 عندها ساعتين تعاود في نفس الاخبار ...
الناس لكل تحكي على زيتون في الفايسبوك ....

عينيا تحرق تقول بالرماد ...
الضو متع الحاسوب المحمول يجهر ...
باخل بش نبدل الغناية الي تمشي اون بوكل عندها 40 دقيقة ...
قلقت قلت نكتب هالتخبيلة ...
نشوفها شتطلع ...
حتى ساعتين كاملين نحكي مع بابا ... مستقبلي و خدمة و كونكورات ..
و نكره نهار الثنين ...
بانڨ بانڨ آي شط يو داون ... و من اجل عيون درا شكون ...
لا ما عنديش السخانة ...
داويلي جرحي و خليني نشوف حياتي ...
طريق السلامة و مطار ...
برشا جهل ... جرابع و زيڨوات و صلاة ...
و لطفي زيتون ... كمية ....
وقتاش ؟

مانيش مهبول اما عندي برشا كلام مش لاصق بعضو ...
برشا كلام لازم يخرج ...
مخنوق ... لا لا ... مش مخنوق ....
بطبيعتي معادش نتنفس ...
و نرمال انا ؟!!

Aucun commentaire:

Enregistrer un commentaire