كلام وجيعة

كل يوم نزيد نتأكد الي العلاقات الانسانية في هالبلاد متع زبي ماهي كان علاقات مصالح ...

كيما الحيوانات "Parasites" الي تعيش من ضهر الحيوانا الاخرى ...

يتغذى من عندك شويا حبّ و حنان و وقت الي ياقف على ساقيه يبعثك تنيّك !!

شكرهت ربك يا بلاد بعبادك !!

الانسان الي يحب فالدنيا هاذي ما يصلح كان كيف هكا الشجرة يمص الخايب و يخرج الباهي ...

كيف يكثر عليه الخايب يشيح و يموت و معاد يتلفتلو حدّ ...

تمنيت لو كنت انا الخايب على الاقل راني مانيش قاعد نشيح و معاد نلقى قوّة ...

ولا تمنيت نكون شجرة في غابة على الاقل نعيش مع العباد الي كيفي ...

مافهمتش شنوا الجو الي يعملوه كيف يراوك تعاني ... لها الدرجة الشعب مرض 

بعد يلومو على العباد الي تقتل بوحشية .... شخليتو عليهم كي تقتلو العبد عرق بعد عرق ؟!

شخليتو عليهم كيف تستغل الي يحبّك جوست بش تحسّ روحك عندك قيمة و تتحب ؟!

بعد تمشي و تخليه يفرفط يحب يخرج مالوهم الي كان عايش فيه !!

مصيتني و ما خليت فيا ... هاي وراقي شايحة و عودي يكسّر فيه الريح ...

ارتحت توّا ... تهنّيت ؟!

كمّلت خدمتك ؟!

اما كيما ديما نقول "Karma is not a bitch" يجيك نهار !!

Views