ولد الكبارية، انسان عادي ... عندو قلب ... اي قلب مش كنتول ولّا يجور !!
تي حتى الياجور يتكسّر ...
ولد الكبارية كيف يحب، لا يعمل جوانح ولا يطير بين السحاب ...
اما يقلب دنيتو و دنية الي يحبّو جنّة ...
مش جنّة نوّار و الدنيا الروز ... لا !!
دنيا تتعاش، يتفاهمو فيها الاثنين ... لا تسمع منهم تنهيدة و لا تڨنڨين ...
حبّ كلاس، متاع ناس واعية ...
ولد الكبارية، كيف يحبّ ما ينساش و كان وفا المكتوب ما يقساش ... كيما بدا راجل (مش بالمعنى المبتذل) ...
يكمّل راجل ...
لا يوجع بكلمة و لا يجرح بخزرة ...
ولد الكبارية حنين ... يعطي ما عندو لكلّ و ما يطلب شي ...
ولد الكبارية قلبو حبس .. ما يخرجو منو كان بوجيعة ...
ولد الكبارية كان حبّ ... غار و كلب ...
كانو ملك الدنيا ...
ولد الكبارية كان حبّ يولي سلفي و يغضّ البصر معاد تعجبو حتى طفلة و حتى كان عملت العجب ...
ولد الكبارية حبّ و مزال باش يحبّ ... اما وقتاش يتحبّ ؟!
Aucun commentaire:
Enregistrer un commentaire