mercredi 20 juin 2012

الحديث و المغزل

"تبدأ نهاية حياتنا في اليوم الذي نصمت فيه عن الأشياء ذات الأهمية."
مارتن لوثر كنج

من هوني تبدا الحكاية ... قاعد نشوف في الكمّ الهايل متع الحكايات البيدونة الي ولّات تتناقش، الخرافات متع امي سيس الي العباد تحكي فيها ...
تقعد في قهوة لتقول قاعد في حمام تقطيع و ترييش و هات في فلان شقال و فلتان شقال ...
حتى كان بش يدوروها يحكيو شوية ثقافة و سياسية يناقشو كل شي كان الافكار ... في حمة الهمامي شعرو و احمد برهيم كان لقاو فيه الخير راهو سنّيه اولى و راضية النصراوي عاطية على العبيثة و النساء الديمقراطيات ملاهط ...
نتمنى نقعد نهار في قهوة يتناقشو فيها افكار و فلسفة و ادبيات حزب و تاريخ التوجهات و تكوينها ...
في عوض ما اناقشو موضوع متع كتاب، نفركوهم على الي يقراو الكتب، قال شنوة جايبينها متثقفين ...
و خلي عاد من ام المواضيع متع التوانسة ... الحوايج، في لبست و شريت و لون كلسون ولد خالت اخت بنت عمي ...
كان التفهات ... الحكايات متع التوانسة تعمل تلوّت سمعي اكثر من زمارت التران الاكسبراس ...
جهل يحرق فالعيني اكثر مالڨاز لاكريموجان ...
و كيف تجي تحاول تناقش موضع باهي لازم فما شكون يهبطلك تاكل من تالي و يقصّ عليك و يبدى يغفّص عاد و يحكي في كل شي كان فالموضوع الي حاب تحكي فيه ...
نتمنى نهار نقعد في قهوة نسمع الشعب يناقش حتى طرح كورة بموضوعية مش بطريقة بيزنطية و بسبان الامّ ...

والسّلام !!

Aucun commentaire:

Enregistrer un commentaire