ايا على سلامتكم ...
كيما كل جمعة الاخوان السلحفيون ... يعملو مسيرة يطالبو بيها بحاجة ...
و من مطالب الجمعة هاذي هيا تحرير معتقلي ڨونتانامو و استرجاعهم ...
عاملين كيف الي طامع فالنح من *ك الفرززّو ...
هالمسيرات الي كثرت متاعهم ... لقات تفاعل سلبي برشا من البلدان الاوروبية ...
على غرار فرانسا الي وزارية خارجيتها على موقعها الرسمي تحذّر رعاياها و زائري تونس من خطر ارهابي
ما تغركمش الحملة الاشهارية الي قاعدة تصير ...
و في برشة بلدان اخرى نفس التخويف قاعد يصير ...
و الحكومة مسيبتهم على طلق ذراعهم في عوض تحاول تأطر او تمنع هذه الوقفات الاحتجاجية المتكررة كل يوم جمعة ...
لاهية تقمع فالصحافة و المطالبين بحقوقهم الشرعية ...
مش الي طالبين استرجاع كمشة ارهابيين لتعزيز صفوفهم ...
و قريب يعمل مسيرة لتشيد ضريح و مزار لزميمهم لا ترحملو عضمة اسامة بن لادن
و توّا عاد السلفية ولات لوك و سلوك ...
ولينا نشوفوه شوفرة متع تكسي ... تطلع معاه ما تعرفش تهبط حي و الاّ تمشي مرڨاز ...
تصوّر انت توريست طالع مع واحد منهم يسوق بيه ...
تي بلحرام ما يجريلو جوفو بالرعب ...
فالاسواق متع المدينة العربي ... كيف كيف
و هذا ودونو فالكياسات تلقاهم حلڨ حلڨ ...
شكون مزال بش يعفسها البلاد كيف يشوفو هالمناظر...
وهذا الرابط متع نصائح الخارجية الفرنسيا لزائري تونس و رعياها
ايا بسلامة
Aucun commentaire:
Enregistrer un commentaire