حومتي العزيزة ...
نتقهر كيف نسمع البراني عليك ينبّر ...
في رجالك يحڨر ...
يهين و ما يقدّر ...
قالو على ولادك مخهم مسكّر ...
باندية ما تعرف كان تسكر ...
قالو عليك سارق ... فار حبس مدمّر ...
ولد حومتي ...
اخرج ورّاهم النت شكون ...
ورّاهم رجلتك ...
سمعهم كلامك ...
ورّيهم فنّك ...
ولد حومتي ...
اخرج من سكوتك ...
عبي الحيوط ...
عيّط ..
غنّي ... صوتك علّي ...
بنت حومتي ...
اكتبلهم ... فهمهم...
سمعهم ...
بفيانة كلامك اقتلهم ...
كبار حومتي ...
علموهم الرجلة ...
علموهم الي الحڨرة لوغة الضعاف ...
علموهم الي خوفهم منّا زايد ...
حومتي العزيزة ...
وريهم الي رجالك ما خلاوهاش بيك ...
الي ولادك ... تحنلك وترجع تترمى في احضانك ...
وريهم الي بناتك تصونك ...
حومتي العزيزة ...
انا ولدك البارّ ...
هديتك كلماتي ...
و نهديلك كلامي طول حياتي
Aucun commentaire:
Enregistrer un commentaire