سيدي الرئيس فما منطقة في تونس اسمها الشمال الغربي ... مش شمال مالي ...
و الوضع فيها "خريفي" ...
سيب عليك مالريق ...
مش كان تشاورت انت و الحكومة على برنامج اعادة تاهيل البنية التحتية فالشمال الغربي خير ...
و انت لاهي تتشاورلي مع اتحاد مغاربي افتراضي على احول جمهورية مالي الي ما جابنا ليها شي و ما نفعنا منها شي ...
اطراف النزاع في مالي ... اهملك ...
مالعباد الي تنازع على خبزتها ... و على خدمتها ... بش تحارب فقرها ...
و مش كان حافظت على كرامة المواطن التونسي الزوالي الي ماد ايديه يا كريم متع الله ...
و وحدة المواطنين التونسيين الي رجعو للفرقة و الجهويات و العروشية ...
وتقسمو مسلمين و كفار و شيعة و ما نعرفش شنوّا لاخر ...
مش كان تلهيت انت و الحكومة الزفت بالاوضاع الانسانية في بوسالم خير ...
و انت راجعلي لاتفاقية المغرب العربي متع 2006 للحفاظ على الامن فالمنطقة الافريقية
سيدي الطرطور ...
ما كذبش الي سمّاك هكّا ...
Aucun commentaire:
Enregistrer un commentaire