و آنا صغير ... نقرى فالمكتب ...
كل ما نشوف زوز يتلاكشو ... يقولو ربع ساعة بطحة و نفظّوها ...
توّا فهمت شمعناها ربع ساعة بطحة ...
و ما قعدتلنا كان البطحة ...
مدام ما عندناش معارضة ...
كمشة جلغ كاكوية ...
ينزلو عليهم شويا ... يا ينسحبو مالجلسة ...
يا ينسحبو مالتصويت ...
كي طلعتو ما فيكمش ريحة الرجلة ...
تو نعارضو نحنا بالي نقدرو عليه ...
كيف انتوما عايشين مرتاحين ...
نحنا الزوالي همّنا ...
... نرجعو للبطحة !!
بطحتنا هي حيوط شوارعنا ...
لعبتنا في كلمتنا ...
حريتنا في تصويرتنا ...
بطحتنا هي الي بش ترجعلنا سلطتنا ...
سلتطنا ملكنا ... ملك الشعب ...
بطحتنا قوّتنا ...
لمّتنا تزيد تقوينا ...
... كان ملكو كل شي ...
الحيوط مزالت ملكنا ...
الشوارع مزالت متاعنا ...
كلمتنا مزالت حرّة ...
... فيق !!
Aucun commentaire:
Enregistrer un commentaire