ولد الكبارية يحلم ...

نتمنّى الي يجي النهار الي نشوف فيه فالكبارية ... دار شباب ولّا دار ثقاڤة ...
اي نعم دار شباب و لّا دار ثقافة ...
ولّا درا بابها يتسكر على اماليها من غير خوف...
ولّا بو يسكر الباب بيد وحدة خاطر مروح بعشى ولادو فرحان ...
ولّا ام تسكّر عينيها و ترقد مرتاحة و ولادها بحذاها ...
ولادها الحاجة الوحيدة الي تتحل في وجههم هيا بيبان البلاء...
ولادها السقف الوحيد الي يلهم ... يا سقف القهوة يالمركز يالحبس !!
ولد الكبارية يحل عينيه ... بلاش بوه ... بوه الي تحبس مالجوع !!
ولد الكبارية يخرج من باب الدار ... في راس النهج يا يبيعو فالشراب يا يلحمو فالزطلة !!
ولد الكبارية اول ما يدخل فالمكتب ما يتعلم كان كيفاش يزرطي !!
يكبر شويا يولي يعشق البنتاكول ...
مبعدها الشراب و الزطالي ...
بين العام و فسبا .. والربطية ... عام و فسبة ...
البو يكبر قبل عمرو مالقهرة على ولادو ... والام ما ترقدش الليل ...
ولد الكبارية الي يحلم تلمو 4 حيوط نظاف ... يتعلم فيهم يقرى ... يكتب ...
ولد الكبارية الي كان جا يعرف شنوا معناها دار ثقافة ... شمعناها كاتاب ... شمعناها موزيكا...
ولد الكبارية الي حلم حياتو يتعلم صنعة ياكل منها الخبز ...
ولد الكبارية ... يحلم باش يكون خير من اندادو !!
خليوه يحلم ... ما تقتلوش الحلمة قبل ما تتولد !!

Views