ايا سيدي قلنا السلام ...
علاقة المواطن التونسي الزوالي و الكار الصفرة و المترو الخفيف (لاحفيف و يعمل الكيف) علاقة حميمية
التونسي الحاجة الوحيدة الي يجري وراها هيا الكار ... كان فاتتو يتأزم و يهبل تقول فاتو شطر عمرو ...
التونسي يولي بطل العالم في المصارعة الحرة بش يشد كرسي !
التونسي يولي عندو الحاسة السادسة في الكار و المترو مالخوف لا ينطرولو التليفون و الا السطوش...
التونسي يولي عميل سرّي و يعمل في طريح تسلل على طريقة العاب الفيديو بش يرسكي ...
التونسي يولي زاده شهم و يبجل الكبير و الحبلة بش يقعدو ... و كان فما ڨطوس شاد ساك رزينة ياخوه علاها ...
التونسي من عشقو للكار خلقلها مسطلحات جديدة :
* شوفور الكار : حمّادي
* زيّن يا حمادي : سكر الباب
خلي عاد من افلام الاكشن و الدراما فالكار و المترو!
الاكشن كيف يطلع واحد بالعو و واحد ملتحي و تلحم ...
و الدراما زوز انواع :
* الدراما الخفيفة : واحد تنطرلو البرطابل ... ولّا وحدة تنطرلها ساكها
*الدراما الثقيلة : طالب و طالبة :
* نهار الخميس: يا حباب ربي حويجة لربي ليلة جمعة
*نهار الجمعة: جيتكم بجاه ربي حق خبيزة نهار جمعة
*نهار السبت : لكلها رجال تلم في حق بلعتها
الكار و التونسي حكاية كبيرة و ما توفاش ....
و كيف ما قالو ناس قبل : الكار للتونسي رحمة !!
والسلام !
Aucun commentaire:
Enregistrer un commentaire