عريان الشق في صبعو خاتم !

ايا ڨلنا السلام يا رجال يا ڨلوب الجمال ...

في تونس معاد ناقصنا شي و الحمد للتعالى ...

و الشيخ راشد رضي الله عنه و خليفته السادس جبلطي بيض الله وجهه ...

الديمقراطية بالمشطة ربكم ... الي ما يعبرش بحرية ينيكوه فالحبس ... عند ساعة فالنهار اقل شي تنتقد فيها عمل الحكومة كان تعمل اقل من ساعة تتخطى ... امالا كيفاش بش تصلح اغلاطها الحكومة المغبونة ...

خلينا عاد مالرفاهية متع العيش، الكيران الصفر بدلو لونهم روز و اخضر فاتح و قزوردي و الوان زاهية هاك الي بالضبط ... بالعمل المواطن ولا محشش على جرية وراء الكار ... الميترو ولا كل درجين و الطلوع بلاش زادة ...

لا دزني لا ندزك لا سرقة لا نطرة ... ماو قلك لقاو ابار نفط بالصخط فالجنوب ولينا ربحو يركب المواطنين لكل بلاش فالنقل العمومي ...

و من غير ما نحكيو على الادرات عاد شي يعمل الكيف، عاملين آلة استشعار التخمام في انك تعطي رشوة ... انت تخمم فيها بركة و يهزوك تبحث و خلي عاد كان وصيت شكون على قضية ولا بش تخدم شكون تي مشيت فيها ورآء الشمس ...

و الناس الي تتبسم فالشارع و النظافة و الريحة الفاوحة و الكلام المعسول و صباح الخير بتسيمة ... والي يشدوه مكشبر يضرب في دين امها خطية مش لعب ...

الشباب لكل خدم و امورو منفنفة ... البطالة اشاعة اصل ...

اما قعدت عندنا مشكلة وحدة فالبلاد ...

الكورة ... آه يلعن بو الكورة ... 

مع فما مشكلة في هالبلاد الممتازة كان الكورة ...

الساحلي حاوي و امو درا شتفعل ..

الترشي الرياضي رشوة و جبورة و كلاب و منيكين

الصفاقسية ماهمش متع كورة و باكية و ماهزو شي من عهد البي

و الزناطير ... الي حبو الكليب على خاطر اطلع السكر و الدم في 30 دقية ...

وهذا يكره هذا ... وهذا يحب ينيك ام لاخر ...

و هذا بش يدغر هذا و هذا حجر هذاكا ...

تلعب ليتوال و الترجي يدخل فيها الزنطور نبار ...

و الصفاقسي يطحن للي رابح ...

و الستاديست يفرك فيه على الي خسر ...

مشكلة وحدة ما لقيلناهاش حل هي التعصب الكروي ...

اما باقيها الشعب امورو مريڨلة من مجميعو ...

نحيولو الكورة تو نوليو اكثر دولة متقدمة فالدنيا .... شبيك رانا مخاخ متع شطرنج و ريضات فكرية الكورة حاجة ديباسي و تخل بهالمجتمع الزبور ياسر ..

ايا ڨلنا السلام ها شعب يا زبور يلي سلطانك طرطور  ...

Views