ايا على سلامتكم ...
كيما العادة الشعب التونسي السمح ينجم يناقش في كل شي كان الافكار، وكيما قال احد اصدقائي على الفايسبوك جربتها و زعمة لا سال الدم للركايب !!
بعد نهاية اليورو 2012 و الموجة متع تصاور الشقراوات الاوروبيات الي اجتاحت الفايسبوك قريب 3 جمعات، و الولاد الي تتلكش على البنات بريق اين انتم من هذا و شبيكم زرڨ و شبيكم دراكيفاش و البنات تفرك و تغزل عن بعد، جا دورهم هوما باش يكبشو في معبود الجماهير الجديد متاعهم رئيس المكسيك قال شنوا زبور يهبّل !!
انا من المنبر المتواضع هذا نقلهم يعطيكم "قصبة" الزوز ... على خاطر لا ولادنا كيف ولاد المكسيك و لا بناتنا كيف بنات اليورو، و على خاطرنا شعب "منيزك" وما يلوج على القشور هذاكا علاش نحنا زرڨ و عفش مش كان فالمنظر اما قارصين في مخاخنا، مدام حديث الساعة في تونس رئيس المكسيك زبور و رئيس تونس ڨرد و طرطور، مدامنا شعب كي "زمبي" ...
فماش فيكم شكون حل جلغتو و ناقش موضوع يهم البلاد اكثر من الجمالية الي عمرنا مانا بش نوصلولها خطرنا من افريقيا يعني فرد قارة مع التشاد و الصومال و مالي و الكونغو ...
فماش شكون ناقش رفض مقرر الدستور خنفوس الفول للـ"OpenGov" ...
فماش شكون حكى على العنف الممنهج مع البوليس الي رجع ؟!
فماش شكون حكى على السياحة الي ماكلة كبّوط و الي العمال في القطاع هذا شطرها ضربها الفلس و بش ياكلو الخرى ؟!
فماش شكون ناقش الامن فالمرافق الاستشفائية الي الطبة فيهم معادش مأمّن على حياتو ؟!
فماش شكون حكى على راشد الخريجي كيفاش خذى جواز سفر ديبلوماسي و ماو لباس ؟!
وكيما يقول المثل اليوناني " شعب زبي من المحيط الى الخليج" !!
allah yarhem waldik
RépondreSupprimer