حركة النكبة و النهبة وقلّة المعروف و مواقف وزارتها الي كلامهم يغصص اكثر مالمسفوف و سكات المؤلوف على الاعتدائات على احد مقدسات الشعب التونسي و الي هي البيرّة اجرام في حقّ الزبراطة ...
نرجعو بالتاريخ شويا لاحد تصريحات سيدنا الخليفة لو سيزيام انّو حكايت تسكير الطبرنات ماهي كان حكاية وقت مش حاجة أخرى ... "ذو تايم هاز كوم" و بداو اخوننا فالله في حملة تدمير لمقدساتنا و المصدر الرئيسي للـ #بهجة في تونس بداو بالڨصرين و هدّو على دبّو ما خلاو ما بقاو و ليوم الطشّ وصل لجندوبة الي كسرو و حرقو فيها طبرنات و في نزل كان عطاك المولى ...
اخي فالله براس لحنينة جاش واحد مالزبراطة حرق لحية واحد منكم و الى بالّو على القميص متع دين والديه ؟
درنالكمشي بدومانكم ؟
ماللّخر و عالآخر و فاللّيل امخّر الشعب بشقوفاتو و اخواتنا فالله قاعدين على الشقوفات ... فرقتنا السياسة خلي توحدنا الشقوفات ... انا نربح شيخة راسي و انتي تربح شيخة نقبتك !!
اخي وزير الملابس الداخلية المحترم ... البيرة المنتوج التونسي الوحيد الي العباد مستعدة تعاديكم على خاطرو فانما بحيث كان بش تخليو سلاحف النينجا متاعكم يعملوا الي يحبو انبّهك كوني الناطق الرسمي لبني قريش متع الكبارية وراس الربّ و حمودة بالرّجب (مزود رسمي للبيرة للي ما يعرفوش) وراس تجريم التطبيع و حمادي بوصبيع (هل يخفى القمر) لا نذبحنكم ذبح البعير و لا نشلخنكم شلخ الكلاب و نلقيكم فالزبالة متع التاريخ !!
ولكم مني اجمل تحية ... ويدّكم !!
Aucun commentaire:
Enregistrer un commentaire