ليوم في مشهد يوجع في احد المقاهي في تونس العاصمة، كمشة همل خاطر كلمة سوّاح يفركو فيهم على مواطن تونسي زاولي خبزتو في الشيطة و السيراج طلب منو واحد من هالرهوط باش يسيرجلو صباطو مشا الراجل المسكين على اساس بش يخدم على رويحتو و يدبرشي زوز فرنك ...
قام سي الرهط و السيد متبص يمسح فالصباط يصور فيه و يضحك و يتمقصص و فالآخر بعد درجين تمهطيل مدلو 500 فرنك ...
هالرهوط هاذم الي لاعبينها سواح يعدي شتاء كامل عايش عالرشتة المغلية فالماء بش يلم زوز صوردي يجي يصرفهم، ياجيونا بلبسهم المهنتل و حالتهم الرثة، يجي هوني يستغلى دبوزة الماء و لا كورنو الڨلاص و القهوة و يدز في اكتافو علينا و يحڨر فينا و هوما حالتهم تكرب و ما يتهزوش بقص النار و تلقاه بايت في وكالة بونجمة ...
علاش رخصتونا شكون السبب في هالسياحة الي لا توكل و لا تسمن و لا تعاون و تزيد تذلنا ؟
علاش تونس الي فيها بلايص تعشق و اشبه للجنة مالارض يجيوها عباد لا يقدروها لا يقدرو عبادها ؟
على زوز فرنك بش يستعمرونا ؟
علاش نتحڨرو في بلادنا ؟
Aucun commentaire:
Enregistrer un commentaire