ثورة القرضاوي ...
بنات بين التونسي و الخضرة فرضاوي ...
الشعب جاع و عايش هواوي ...
المخ فارغ و البطن خاوي ...
استغلها نهضاوي ...
نهبة، سرقة و فكة و هات من هاك اللاوي ...
ثورة الغنوشي ...
ثورة دربكولنا في وذنينا و شطحوشي ...
ثورة البصّ و التقتيل العروشي ...
ثورة هوما ستغنو ... وحنا ؟ نستغنوشي ؟
ثورة حمادي ...
فرقت بين ولاد بلادي ...
جوعت ولادي ...
وحرقت اندادي ...
خلات الشعب على قوته يدادي ...
ثورة بن جعفر ...
ثورة ربي الحية كبر و ستغفر ...
ثورة الوضع المستنفر ...
ثورة وزير شغلها جيفة و اسمه معطّر ...
ثورة المرزوقي ...
ثورة سكتو فيها الحقوقي ...
و تكلم فيها بولحية شقشوي ...
ثورة كسرولي فيها جداقي ...
و هضمولي فيها حقوقي ...
وآخرها طلعة ثورة انثى الثور و يرحم مين قرى و ورّا ها معمّر !!
Aucun commentaire:
Enregistrer un commentaire