نقطة نظام ثوريّة

هاكا الجماعة متع القصبة 1 و 2 ... الله يعطيهم قصبة على مبعرهم و الي يحكيو برواحهم ثوريين نقلهم كلمتين خفاف نظاف ومن غير ما يكسرولي البطاطة !

اول حاجة الثورة بدات 17 ديسمبر و التحركات في تونس العاصمة بدات بعد جمعة من اضرابات و صدامات مع الامن و كرّ ّو فرّ و اعتقالات معنها الي جا بعد 14 جانفي لكلوّ بصّ في بصّ ...

ثاني حاجة بروفيلاتكم شاهدة عليكم كيفاش مزلتو تهزو فالطحين لبوكم لحنين بعد الخطاب لخراني 13 جانفي مع اخبار الثمنية و لكلكم سخفكم و فيكم شكون دميعاتو هبطت سخفو زعبوعة المسكين ...

وقت الي الرجال تاكل فالخبط و بايتة فالمراكز و فالداخلية و بوشوسة و فيهم الي ترزا في عمرو و الي ترزا في قطعة من بدنو انتوما راكشين فالدار متخبين تحت فروشاتكم و جوفكم يجري مالخوف ...

ثالث حاجة ستعملوكم كيف القحاب نشرولكم سليباتكم فالقصبة و ركبو عليكم بش عدّاو الي يحبو عليه ..

وقتها الرجال الي خافت على بلادها قاعدة تلوج في مشاريع حلول و انتوما القصبة رديتوها برديل و تستقاتو بلاش من ظهر الشعب ...

يزّيو راكم غلبتو عليا بمنطق جبنا راس لانوف متع الحرية من بزازل عون تراتيب .... 

الثورة تكون ثورة افكار او لا تكون ...

و يدكم !!

Views