بعد ماعدى ليالي يندب في خديه و يتقلب و مش جايو نوم
بعد تلحليح و تزڨديح و نبيح و السروال معاد فيه ما يطيح
بعد ما لحس و ادحنس و تمحمص عندو شعرتين و زاد فرطس
بعد مع عالڨصاص صاح و على الجريبي الميكرو قص و بكلام الدهماني غصّ
حلّ جداقو ووعدنا بدستور في وقتو ...
زعمة يا شعب ؟
زعمة ما يعملولناش دستور مش قد المقام ؟
زعمة بلوغة زاربنا الوقت يعديو الي حاجتهم باش يعديوه ؟
زعمة يعديوها علينا ؟
زعمة حربوشة جديدة بش نخطاوهم و نخليوهم يرقدو مرتاحين ؟
الواحد معاد ينجم يصدق شي من عند حتى واحد ... مش كي يجمد الماء و يشعل صوابع اديه شمع ...
و هاو الشعب مزال يستنى كيف الدجاجة في القمح من باجة ...
و كيما يقولو جماعة حزب المدبية " اصبروا ان الله مع الصابرين" ....
و انا من جماعة ام كلثوم " انما للصبر حدود" و رزارف العملة الصعبة من الصبر بدا يوفا
و السلام !!
Aucun commentaire:
Enregistrer un commentaire