قبل ما نبدا نحكي شعملو ... عندي راي صغير !!
جاتش هاذي وزارة حقوق انسان ؟
حسب ما نعرف الي حقوق الانسان من مشمولات المجتمع المدني و الجمعيات الي تخدم في هذا الميدان ... مش وزارة تابعة حكومة هي الي بش تحدد الحقوق و هي الي بش تعمل تقرير على زي راسها على احوال حقوق الانسان في تونس ... معناها ما اتعس من تزفريت الزابا كان ريحت زبطهم هوما !!
____________
نرجعو على الشي الي صاير في وزارة الهانة الرڨاد فالجبانة ...
اول حاجة سمير ديلو عمل كي خالد القربي خانتو ذريعاتو قال : "المصابين ريحتهم بالشراب" ، و انا نقلوّ كيما قال العلامة جلال بريك : "انا لواش نسكر ... ماو من *ب بهامتكم"
انسان عندو اكثر من عام الكرتوشة في بدنو من داخل، الي في ساقو و الي في كلاويه، زوالي وكان يخدم نهار و عشرين بطال، لا عندو شكون باش يدوي ولا حتى شكون بش يشريلو كرّوصة يتحرك بيها ... تحبو ما يسكرش ؟
و ثاني حاجة جايبلهم جمعية متع طبة من المانيا بش يطيحولهم الماء فالركايب و يزيدو على ما بيهم ... و يقولولهم بالحرف الواحد " ما فيكمش دواء، كولو القوت و ستناو الموت" ... و انت سيادتك مازلت تسأل شباهم يعتصمو !!
ثالث حاجة كل يوم نسمعو بيكم بش تعملو تعويضات لمسجين سياسيين سابقين و كل ما نسمعو اسامي ما يطلعو كان من انصار يا النهضة يا التحرير يا صالح اليوسفي و التكلفة تنجم توصل لــ 600 مليون دينار تعويضات ..
رابع حاجة هاكا القايمة الي تحضر فيها الي فيها قائمة مصابي الثورة ... بعد ما تكملها انت و الكمشة همل الي تخدم فيهم كيما "اكسبلوزيف" و الله اعلم شكون آخر ... نفخوها و اشربو ماها و كان لزم حطوها من تالي ... فماش ماتنفع
يا سمير يا ديلو جرحى الثورة الي خليت الڨرودة تعفس عليهم هوما الي وصلوك و غيرك من حركة النكبة توليو وزرة
هوما حطو صدوراتهم للضرب و الڨاز و الكرتوش بش يخدم، مش باش يولي معاق و يقول يا الكريم متع الله شكون يداويني، كل يوم نسمعو فيكم درا منين جبتو فلوس و قطر عطات و الامرات عطات، تنجموا حتى تنحيو منهم تفتوفة على جنب و تشوفولهم حلّ، اما يظهرلي الفلوس الي تصرفوها على ذراعكم المسلح السلفيين و الفلوس الي تصرفوها على تكميم الافواه اهم من العباد الي وصلتكم تحلّو افامكم ...
يا سمير يا ديلو يظعرلي فيك حتى الاعلان العالمي لحقوق الانسان عمرك ما قريو و ما تعرفوش لشنوا يشبه و لا على شنوا يحكي ... بالطبيعة على خاطر انت و الكلاب متع حزب العتبة ما تجيو كان حيوانا، و كان مش ناوين تلقاولهم حلّ و بالحسنى ... نحنى مستعدين ناخذولهم حقّهم بالقوّة !
Aucun commentaire:
Enregistrer un commentaire