vendredi 16 mars 2012

الى اعداء الديمقراطية، آل سلفون

تظاهر البوكيمونات السلفيية و اتباعهم من وجوه اللوح و المجرمين السابقين (الّي فيبالهم الانسايق وراء هالخماج اعداء الوطن توبة نصوحة) امام المجلس التأسيسي مطالبين بحقوق ما انجمو نقول عليها كان ماوراء مجرة درب اللبانة ... وهي كيما تعرفوها تتخبى وراء الشريعة الاسلامية ...
و الي هي التفرقة بين الجنسين
استعمال النساء كآلات انجاب 
قطع الاطراف
تغيير العلم
الغاء النشيد الوطني و تعويضه "بطلع رشودة علينا"
تنصيب ديكتاتورية دينية ... الخ
و كيف العادة ما تشوف كان الوجوه المكشبرة الرافضة للحيات ... و معاهم جارياتهم فائقات الجمال الي متخبين وراء الخيمة الكحلة ... 
و رايات الحساب و العقاب و التهليل و التكبير و البڨر الي يطير ...
اما الجديد اليوم الي ولّاو هازين العلم المفدّى و يدورو بيه و يتصورو معاه، سبحان مغير الاحوال مش قالو هذكا علم يرمز لترسيخ الفكر الاستعماري و للغرب الكافر و انو شوليقتهم الكحلة عندها معاني اسمى و ارقى من علم الوحدة الوطنية ؟ و الّا يحبو يعملو فيلم جديد متع رنا حتى نحنا توانسة ؟ لا يا اخي انتوما تقعدو كائنات غريبة جاية من زحل و العلم "سي ديجا" دنستوه ... و مناش مسامحينكم فالعملة ...
و زيد الشريعة كان تحب اطبقها طبقها على الجواري و الغلمان متاعك ... مش على احرار و حراير تونس ... وكانك على التعبئة الشعبية ... طل من شباك الكهف متاعك و شوف نهار 20 مارس كيفاش بش تتفسخو من جغرافية هذا الوطن ...
افلامك معادش توكل الخبز ... تهديداتكم باستعمال العنف تخدمنا ... استعمالكم العنف يقوينا ...
ها ولادي لن تمرّوا ... لا بالسيوفة لا بالماء فرق ... لا بالكرتوش !!

اما ان تكون طرفا فاللعبة الديمقراطية اما ان "تڨلب" منظرك مالبلاد ...




Aucun commentaire:

Enregistrer un commentaire