mercredi 7 mars 2012

خرّافة الحكومة و العجلة


ايا على سلامتكم ... 
يا سادة يا مادة ... 
يحكيو على بلاد الشاقي باقي ...
قالو الي فيها بائع متجول اسقط نظام التحوّل ...
وسال دم ... 
و طار الهمّ ...
طلع الهمّ مشا جاب ولاد حومتو من برّ الانڨليز ...
وجايب يسيبو علا سكان بلاد الشاقي باقي في ق*ب المعيز ...
بزميمهم رشودة ... وخليفتهم حمادي ...
و مهرج الباي ديلو ...
زميمهم الحقّ كان كريم ويدو مفروتة ...
شي عروسات و شي طهورات ... وشي عطورات ...
و سي هتك عروظات ...
ما خلى ما بقّى هو و الزبانية متاعو ...
و الشعب الشاقي .. ختارهم على كرمهم ...

شكلولنا حكومة دلّولة قالو عليها ... احسن حكومة شافتها البلاد ...

هالحكومة يا سيدي بن سيدي ... قاعدة ليوم ادزّ في البيدق ..
اكثر منّو ادزّ فالعجلة ...

هوما يدزّو و العجلة راكحة ...
هوم يدزّو و العاجلة مش ناوية ادّور ..

ايا قام زميمهم وقال ...
احنا ماناش متع دزّان عجل ...
ايجاو ندزّوها لجماعة اليسار ...

وكلّف سي مهرّج الباي "ديلو" ...
باش كلّ ما ينيزكو كارثة ...
يلم بيه الخلق و النّاس و يدّزها لليسار ...

و الشعب مزال عندو امل في هاك العجلة ... الي قالو عصاتو في يد اليسار ...
و ما تسمع كان دزّ يا رشودة دزّ ...
و الشعب وراك فالطحين يهزّ ...
يا خليفة بالعجلة سير ...
و الشعب وراك بالبندير ...
يا ديلو كذّب كذّب ...
و الشعب وراك يزيد يتسبّب ...

و انا ملي سمعت بخرافة العجلة ....
ريت العصي في يد شكون اما عمري ماريت العجلة ...

و هكّا يا سادة يا مادة العجلة في بلاد الشاقي باقي مازالو ما لقاوهاش !!

ايا نبقيم...

1 commentaire: