شي يحشم ... وقت الي نراو الحكومة تتستر وراء العنف ...
و هوما النهار و طولو يتشدقّوا بالقطع مع النظام البائد ...
وقت الي نرجعوا للعنف اللفظي و الجسدي على الصحافة ...
وقت الي نرجعوا نكسّرو و ندڨدڨو و نفكّو المصورات ... و الكامروات ...
وقت الي رئيس حكومة ... يحلّ فمّو و يبرر هذا العنف ...
يا سي حمّادي ... ولّيت تحكي كيف ادمينات صفحاتكم فالفايسبوك ...
وقت الي توصف العمال بالبرجوازية ... وقت الي تتكّى على الجهويات ... وتسب السواحلية ...
وقت الي تنعت الشعب الي دافع على حقّو في منظمة تضمنلو العيش الكريم ... بفلول التجمع !!
و قت الي بوليسك يستبيح ضرب النساء ....
و يستبيح دم الشباب ...
عيفتونا بفتح تحقيق ... و برنامج تطهير ...
يا حكومة العار و الخزي ...
شكون الي من فلول التجمع ... نحنا و الّا تعينو فيهم انتوما ...
شكون البرجوازي؟ الزبّال و الخياطة و عمال المناجم ...؟؟!!
يا حكومة النار و الخنّار ...
يا ترضاو بسياسة الحوار و النقاش و تضمنولنا حقنا فالاحتجاج السلمي و التعبير ...
يا مصيركم كيما الي قبلكم ... و اتعس !!
الي قبلكم هرب ... اما انتوما ... ما عندكم وين تهربو !!
Aucun commentaire:
Enregistrer un commentaire