مسكين يلي حلولك للجنة ابواب ...شمموك الريحة ... وقعدت تحلم ...
مسكين يلي بنيت مالوعود احلام ...
مالفرحة ما عاد كحل عيونك منام ...
مسكين يلي بعت صوتك بـ 30 و قعدت ما عندك باش تبرّح...
مسكين يلي بعت مستقبل ولادك ... بعلوش ...
مسكين يلي صوت مديتو صكّ غفران ...
و الغفران من عند الله مش من عند عبد الله ...
مسكينة تونس ... الي هازتكم ...
و انتوما للرذيلة رميتوها ...
مسكينا تونس الي بكات عليكم ...
و انتوما بالنار كويتوها ...
مسكينة قرطاج و امجادها ...
مسكينة ارضنا و ارض جدادنا ...
بعتو الرخيص بالغالي ...
و شريتو الغالي بالرخيص ...
مسكينة يا بلادي فاش تعاني ...
شعب راڨد ...
شعب محربش ...
شعب الواقع ما يحبّش ...
عايش مسكر وذنيه ...
مغمض عينيه ...
و فمه حالو للهوى ...
مسكينة و برّى !!
Aucun commentaire:
Enregistrer un commentaire