حكومة السبعة صنايع و البخت الضايع

بعد تصريحات وزير التعليم على الخطة الامنية التونسية و المنشآت النووية الاسرائلية ...

نحب نسألو سؤال على طلعتو الجهنمية الي سمعتها هاكا المرة متع "Tablette" لكل تلميذ بعد 3 سنين من الآن

سيدي الوزير فيبالك الي فما صغار تمشي 4 كيلومترات على سقايها في الطباعي و في الغيب...

سيدي الوزير فما مناطق التلامذة تتنقل على البهايم (الي كيفك) بش تمشي تقرا ...

سيدي الوزير فما صغار تستعمل فالشكاير بلاسطيك صبابط بش تمشي تقرا ...

فما صغار ما عندهاش شمعة بش تقرى عليها فالدار ...

فما مربين فالمراكز المدمجة متع الاطفال يستعملو العنف مع الصغار الي عندهم ...

فما صغار ما عندهم ما يثبت هويتهم و ما ينجموش يقراو ...

فما صغار تستعمل في شكاير الخيشة بش يهزو فيهم الكتب القدم متاعهم ...

فما صغار تعدي الليل تبكي ما عندهاش ستيلوات بش تخدم دروسها ...

الكتب الي عاملينهم باسوام خيالية الزوالي معادش خالط يشريهم لولادو ...

الكراسة بالفين فرنك و المربين يطلبو عليهم في 10 و 15 كراسة ...

فما مناطق المدارس فيها مهددة الطياح الله يطيح زروسك ...

فيبالك و الا ما فيبالكش ؟!

Views