الثورة فيقتنا الي عندنا برشا بهايم في تونس، برشا عباد اتبع تبع ... لاشخصية لا مخ يخدم لا شيّ !!
فيقتنا الي الشعب هذا الحرية عندو ماكلة و شرب و رڨاد ، شعب ماركة احييني ليوم و اقتلني غدوة !!
فيقتنا الي الشعب التونسي كي تلمو مع بعضو قاري 4 صفحات من كتاب، و الكتاب هذا ماركة "رويات عبير" (هاكا القصص الرومنسية) !!
فيقتنا الي التونسي ما يقلقوش الطحين مدامو يبات متعشي !!
فيقتنا الي حب الوطن ولّا تهمة تتحاسب عليها !!
يعديوك تحليل وكان طيحوك بشوية وطنية في دمّك، يبعثوك تتخلع !!
فيقتنا الي التونسي و يعررف الدرابو كان فالكوب دافريك !!
فيقتنا الي التونسي 3 انواع سيدي خويا ...
التونسي الي جايبها جعبة و محلل سياسي و متثقف و النوع هذا طلع بعد الثورة و اغلبيتهم كان محللين متع كورة و ماركة بروموسبور !!
التونسي الاجعب ابن القعقاع الي جيبها يغزر من فوق وساكن في قصرة العاجي و النوع هذا موجود فالامين و الايسار !!
وفما الشعب الي ما على بالوش ... تتحرق البلاد و هو مزال يلوج على موجيرة ڨاورية مكهبة على السبعين تهججو و بعد القلب و العفرت فيها البلاد !!
فيقتنا الي التونسي قلق مالديكتاتور القديم و القمع متاعو ولاّ يضهرلهم سوف برشا و معادش يكوي ... قامو و قعدو و برددلوها باش يحطّو ما اتعس !!
و الي ماشي تحت الركايب هو الشاب التونسي العادي الي يحب بلادو و الي يحب يعيش لباس، يعيش العيشة الي يحبها، ياكل آش يحب و يشرب آش يحب، يكتب الي يجي على بالو و يرقد الليل بالو مرتاح، لا يخاف على من حاكم ولا من تهديد آخر، لا فما شكون يسكتو و لا فما شكون ينطقو بالسّيف ... الشاب الي كان حلمو نهار يشوف بلادو لباس !!
السيّد هذا كان حلمو يشوف الي قتلو ولاد بلادو و ولاد حومتو مرميين كيف الكلاب فالحبس، يقوم يلقاهم محكومين برائة، السيّد هذا كان حلمو امّ الشهيد تنجم ترقد كي تعرف شكون قتل ولدها و تاخولو حقّو، يقوم يلقى القناصة اشاعة !!
السّيد هذا ماقتلو حلماتو كان السكات متع الشعب الي اقرب للنعاج و الكباش منّو للعباد، يتبعو تبع !!
ايا نخليكم نحسّ في روحي بديت نخلوض !!
Trop vraiiii
RépondreSupprimer