ولد الكبّاريّة: الشاب التونسي و كاس اوروبا 2012

ايا ڨلنا السلام ..

ما يجيكمش عجب كيف تلقى الشاب التونسي عندو هستيريا تصاور الجميلات متع اليورو 2012 من شقراوت المانيات و الالمانيات 3 انوع على شويا سمروات ابيريات و هات من بولاندا و اوكرانيا و العرق السامي متع بني ياسوع ..

كيفاش تحبو الشباب التونسي ما يخرجش الڨرينتا الي فيه و هو مستانس بنعيمة الجاني و نعيمة الكحلة و المذيعات الي عندها مكياج بالوجه و الزرڨ الي يشوف فيهم في ستادات تونس ... و خلي عاد من مذيعات نشرات الانباء الي لبستهم بركا تخبل العينين ...

فانما بحيث عادي جدا تجيه انتكاسة نفسية و مرحلة اعتكاف بعد ما يوفى الاورو و يرجع يتفرج في وجوه اللوح في التلفزة التونسية ...

وقيلا مش الذكورة بركة الي عيناهم تتلاصص اما البناويت زادا .... مع الكوارجية البوڨوسات متع ايطاليا و البدن متع كريستيانو رونالدو و البقية و في شعرو و في لحيتو و في يقتل بالجولي ...

فانما بحيث بش نلقاو حرب ضروس بين البنات و الولاد و ما تسمع احنا ما عندناش بنات و بناتنا مستوردين من المزمبيق و زرڨ و عفش و زيد ضاربينو في رواحم و البناويت من غادي تعيط احنا ما عندناش ولاد في البلاد لكلها عفش و خشمو كيف الساطور و راسو كيف ما نعرفش شنوا و يحبونا نحنا مزيانين ...

وقليل وين تلقى واحد كيف العبد لله يتغبن على الكورة الي عندنا في تونس !!

ايا نبقيكم !!