حكايات العروي : خرافة الصبّاط

يحكيو على طرطور السلطان ...

زميم العلماء اختصاص جريان الجوف ...

لمّ شويّا مالحاشية متاعو ...

باش يخاطبهم ...

استقبلوه الهلّالو و التكبير ...

مالكبير للصغير ...

و طرطورنا الموقر ...

هزّو الشوق و الحنين ...

لخرافة من خرافات ناس بكري ...

وقال نحكيها لشعبي يعتبرو منها ...

و خرافتنا ليوم ...

انوّ راجل كهل ... 

عندو زوز ذراري ...

السيد هذا قلّيل ... و فقير الحال ...

واحد من ذراريه بصبّاطو ...

والثاني حفيانة سويقاتو ...

الراجل مسكين تاه دليلو و حار امرو ...

مش عارف يشري الصباط للحفيان ...

و الا كلاسط للي عندو صبّاط ...

ايا مشا يستشير في الخليفة ...

باش يعرف آش يعمل ...

و بحكم الي الخليفة كان عافسو الصباط قبل ...

قالو يا ولد الناس ...

العقل فالراس و منو الخلاص ...

لا تشري لا هذا لا هذا ...

خلي فليساتك عندك ...

لا ينفك لا ولدك الحافي ...

و لا ولدك بوصبّاط ...

عليك بالبوشلاكة ...

فمّاش ما تولي وزير ...

و هكّا وفات حكايتنا يا سادة يا مادة ...

نلقاكم كان خلانا العريّض مسيبين ...

Views