samedi 24 mars 2012

التونسي و الوراق


التونسي كائن حيّ (كيما حبوه يكون)، حياتو مربوطة بورقة
كان يحب يولي كرزة ... يشدّ ورقة بروموسبور 
يكرّز وقت الي تجيه ورقة الماء و الّا الضوّ
يهبل كي توفى عليه ورقة العلاج
ورقة السي ان اس اس 
ورقة الكنام

وخلينا مالشباب الي تمحن مالهمّ بالوراق الكلّ
وراق الشكبة و الرامي ... والبيلوط
و الي يقرى النهار و طولو يطبعو فيه فالوراق
و البطال الي حلمو يورّق 
و الكياف الي يلوّج على ورقة 

وآخرها ..

التونسي قعد كيف ورقة الخريف ...
الارياح تلعب بيه ...
ما يعش انا ريح بش تهزو ..
وين بش تحطّو ...
مذا بيه ديما وراقو فوقو ...
يطيحش بيه ڨرد ولد حرام ...
يطلبو في وراق سمّاوها فلوس !!

Aucun commentaire:

Enregistrer un commentaire