النسا العرب مكرمين ... ونسا لبرّة مغبونين ...

النسا العرب مكرمين ... ونسا لبرّة مغبونين ...
هذا مش كلامي ... هذا كلام المشايخ الي يجيبولنا فيهم في تونس ...
مكرمة كي يدفنوها في شكارة كحلة ... مكرمة كي يخرجوها مالخدمة و يدكوها فالدار
بش تربي الصغار...
مكينة متع تنظيف ...
تكرمها كي تعتدي على جسدها و اطهرها !!
مكرمة كي يدخل الراجل يضرب و الخو يضرب وكان لزم الولد يضرب ...
مكرمة كي ما تشوف الشمس كان مالشباك ...
اي امّالا لا ...
مبعد السواقة تعلم السفور ... و الخدمة اختلاط
و القراية اختلاط و تعمل العقل و تعلم المجون
و القعاد على الابناك و بجنب الحيط حرام على خاطرهم مذكر ...
و السفر حرام كان ما معاك محرم ...
و البنان و الفقوس و الكاكي و درا شنوة ... حرام زقوم ...
و يزيد من قمة الكرم انو يعرسولها و عمرها 12 سنة
و يزيد يلبسوها النقاب ملي عمرها 4 سنين ...
و سلكتها كان كملة قرات للسادسة ابتدائي !!
يحبو يفهمونا اي حاجة تنجم تعملها النسا خير مالرجال حرام ؛)
اي كيفاش املا النساء فالغرب كافرات على خاطر تخدم و تقرى ... و زيد على هذا مسترجلة
وتقوم بروحها وحدها ...
و تسوق و تتسوق و تركب طيارة و تسوقها كان لزم...
محامية و طبيبة ...
مربية اجيال !!
ما يجيش المرا لازمها تشد الدار ... تمسح و اطيب و تغسل باش يجي سي السيد
يمسح بيها القع مبعد
وقتها تولي حلال محلل ...

Views