mercredi 21 mars 2012

حتّى في عيد الاستقلال


حتى في عيد الاستقلال سبيتونا ...
حتي في احتفالنا ببلادنا خونتونا ...
صهينتونا ...
بالماسونيين نعتونا ...
بحبنا لبلادنا عايرتونا ...
على خاطر علمانا مزبلتونا ...
و فالحنديرة حطيتونا ...

شنوا تبدل ؟
قبل الي كان يهز العلم و يخرج 
يولي طحان الحزب 
حزبيست ...
يعايروه و يمزبلوه ...
التلامذة تبدى مڨطعة مالتحية متع العلم ...

وقت الي ولّا التونسي يحب الدرابو ...
ويبكي عليه ...
وقت الي تونسي حط صدرو للكرتوش على خاطر هكا الدرابو ...
وقت الي جدودنا الي تخلط تراب بلادي بعضامهم
ضحاو و قاومو الاستعمار ...

يجيني واحد عامل مصلحة في خليقتو بش يعلمني شمعناها العلم 
شمعناها وطن ...
بش يعلمني شنوا المواطنة والوطنية ...

احتفلنا و مزلنا بش نحتفلو كل مناسبة و كل عيد وطني :)

وعلى فكرة يا جرذان آل سلفون وطحانة حركة العتبة لبارح تقريبا 75 الف مواطن طالبو بدولة مدنية و ما خلصهم حدّ باش يجيو :)

1 commentaire:

  1. à part les dernières insultes que je ne tolère pas tu as raison mais cette rancune foudroyante te hote ta crédibilité!

    RépondreSupprimer